ОБНОВЕНО: Собранието го изгласа Буџетот!
Објавено во: Финансии 24 Декември, 2012
Според министерот за финансии Зоран Ставрески, во Буџетот е правен во насока на заштита на македонските граѓани од европската економска криза, со него е предвидено зголемување на пензиите, социјалните надоместоци и земјоделските субвенции.
Исто така, истакна Ставрески, со Буџетот се предвидува реализацијата на повеќе крупни инфраструктурни проекти, значајни за македонската економија. Со Буџетот за 2013 година Република Македонија ќе остане и натаму меѓу 4-те најмалку задолжени земји во Европа, истакна Ставрески.Според прифатениот Буџет, вкупните приходи се 147.957.000.000, а расходите се 165.652.000.000. Дефицитот ќе биде 17.695.000. Растот на БДП е предвиден на 2 проценти, а инфлацијата 3,5 проценти.
Бруто инвестициите се очекува да имаат раст од 6 отсто, личната потрошувачка од 1,5 проценти, а јавната од 0,3 проценти.
Собранието на Република Македонија попладнево по серијата инциденти меѓу пратенциите од опозицијата и од власта, ја почна 49. седница со општа расправа по дополнетиот Предлог буџет за 2013 година што Владата го достави вчера.