Собранието го разреши Марко Зврлевски
Објавено во: Македонија 17 Август, 2017
Со 64 гласа за и ниту еден против, Собранието попладнево го разреши јавниот обвинител, Марко Зврлевски.
Пред гласањето пратениците на ВМРО-ДПМНЕ ја напуштија седницата, затоа што не се согласуваат со одлуката претседателот Талат Џафери да не го прифати мислењето на Антикорупциската комисија дека разрешувањето е незаконско.
Џафери ја отвори осмата седница, а пратеникот Илија Димовски од ВМРО - ДПМНЕ му наведе дека Антикорупциската комисија доставила мислење според кое евентуално разрешување на Зврлевски би било незаконско.
Џафери на Димовски му соопшти дека единствен барател за автентично толкување на законска норма е Законодавно правната комисија. Џафери вели дека ДКСК може да даде мислење, но тоа не е обврзно. Државен орган кој може да му укине одлука на Собранието е Уставниот суд на Република Македонија.
За разрешувањето на Зврлевски се расправаше со денови.
Расправата за разрешување на државниот јавен обвинител започна на почетокот на минатиот месец.