Собранието не ги усвои препораките на Прибе содржани во извештајот на Народниот правобранител
Објавено во: Македонија 06 Ноември, 2017
Собранието одби да ја задолжи Владата да ги подобри состојбите во сферата на човековите права со конкретни мерки содржани во Извештајот на Народниот правобранител. Овие мерки произлегуваат од препораките на Прибе кои Владата се обврза да ги спроведе.
Во Собранието денеска не беа присутни доволно пратеници за да може да се усвојат препораките.
За предложените мерки од страна на Народниот правобранител за спроведување на препораките, само 37 пратеници гласаа „за”, петмина беа „против” и еден воздржан.
Според народниот правобранител Иџет Мемети, во Извештајот за степенот на обезбедувањето почитување, унапредување и заштита на човековите слободи и права за минатата година, не се констатирани позитивни промени, туку стагнација, а во некои области и назадувања.
Вели дека тоа се потврдува и со зголемиот број на повредени наршувањата на човековите слободи и права за 4 проценти.