Собраниското натегање во пауза, ВМРО-ДПМНЕ наметна тема за албанизација
Објавено во: Македонија 27 Март, 2017
Претседавачот Трајко Вељаноски реши да даде пауза од 1 час по што седницата ќе продолжи со дискусии на пратениците во врска со изборот на претседател и членови на Комисијата за избори и именувања.
На седницата за збор се пријавија 57 пратеници, од кои 50 од ВМРО-ДПМНЕ. Досега десеттина пратеници минаа на собраниската говорница. На секој од нив контра реплика имаше пратеникот на ВМРО-ДПМНЕ Антонио Милошоски, кој зборуваше прв и рече дека претседателите на Комисијата и на Собранието треба да биде од ВМРО-ДПМНЕ, која победила на изборите на 11 декември.
Главната тема што тој ја наметна за дискусија, а на која се надоврзаа другите пратеници од неговата партија, беше да не се дозволи Македонија да стане бинационална држава.
Седницата ќе продолжи во 15 часот.