„Солидарност“ на протест - ЕУ не смее да се меша во Полска

Добивај вести на Viber

Полскиот синдикат „Солидарност“ организираше голем протест пред зградата на Европската комисија во Варшава поради незадоволството од европското мешање во внатрешните прашања на Полска за измените во законите за пензионирање каде беше утврдено дека  возраста за пензионирање на мажите и жените треба да биде различна.

Во неодамнешната реформа на полскиот пензиски систем, што беше протуркана од владеачкото конзервативно националистичко мнозинство, возраста за пензионирање се позиционира на 65 години за мажите и 60 години за жените. Претходната центристичка Влада возраста за пензионирање ја имаше определено на 67 години за двата пола.

Во својата критика за другата спорна реформа во Полска, онаа за судскиот систем, Европската комисија соопшти дека таа соддржи „дискриминациски елементи“ заради различната возраст за пензионирање на мажите и жените.

„Синдикатот „Солидарност“ за недозволиво го смета тоа Полска да биде прекорувана за дискриминација во утврдување на разликата во возраста за пензионирање кај мажите и жените. Мешањето во демократските решенија во Полска е законски необислено“, се наведува во писмото до претседателот на Европската комисија, Жан-Клод Јункер, што беше прочитано пред демонстрантите.

Лидерот на „Солидарност“, Пјотр Дуда, подвлече дека одлуката на конзервативците „е во согласност со Уставот, законите и демократските одлуки на Полјаците и Полјакините“.

- Тоа не е дискриминација, туку, напротив, привилегија од која корист имаат жените во Полска, додаде тој.