СОНЦЕ ПА ДЕСТАБИЛИЗАЦИЈА: Еве какво време се очекува
Објавено во: Македонија 20 Август, 2017
Времето денеска во земјава ќе биде сончево и топло.
Попладне облачноста ќе се зголеми, а кон крајот на денот и преку ноќта ќе има локален пороен дожд и грмежи. Ќе дува умерен северен ветер. УВ индексот ќе има вредност 7.
Утринската температура ќе се движи од 14 до 20 степени, а дневната температура ќе биде во интервал од 28 до 38 степени.
Во Скопје времето ќе биде сончево и топло. Ќе дува умерен северен ветер.
Утринската температура ќе достигне до 17, а дневната температура ќе достигне до 36 степени.
Неделава ќе биде „посвежа“ во однос на саботата за околу 2 степени.
Попладне ќе бидеме на периферија на влијание на атмосферски фронт, што ќе резултира со дестабилизација. Оваа состојба ќе резултира со краткотраен бран на врнежи проследени со грмежи кои ќе започнат во северниот крај доцна попладне, а ќе се преместуваат кон југ во текот на ноќта кон понеделник.
Продорот на постудена воздушна маса од север, ќе донесе пад на температурата кој ќе се задржи се до половината од наредната недела. Вредностите на максималната температура воглавно ќе бидат помеѓу 25 и 29 степени, а на југоисток до околу 30 степени.