Сообраќајката кај велешката патарина ја зеде првата жртва
Објавено во: Македонија 20 Август, 2017
Прва жртва зема попладневната сообраќајна незгода која се случи на близу велешката патарина.
Во моментов според информации од министерот за здравство Арбен Таравари едно лице им подлегнало на повредите а според порталот сакамдакажам.мк кој се повикува на изјава на Д-р Илир Хасани, управител на Ургентниот центар на скопските клиники се работи за жената што прва е примена во Ургентен центар на скопските клиники во тешка шокова состојба.
Во врска со хоспитализираните лица во сообраќајката на патот Скопје- Велес министерот информира:
1. На Универзитетската клиника за хируршки болести Св. Наум Охридски, се примени шест лица од кои само еден повозрасен маж е на интензивна нега но е во стабилна состојба. Сите други пациенти се надвор од животна опасност.
2. Во Општа болница Велес се примени четири пациенти и сите се надвор од животна опасност.
3. Во клиничкиот центар Мајка Тереза донесени се вкупно 17 пациенти од кои четири на КАРИЛ- еден пациент е внесен со абдоминално крварење, еден со торакална сериозна повреда и двајца со торакални повреди.
За жал, еден од повредените им подлегна на повредите
- Еден пациент на детска хирургија, внесен итно на операција;
- Двајца пациенти на Неврохирургија, примени на обсервација;
- Седум на ортопедија, примена на обсервација;
- Тројца повредени се во моментов на обсервација во Ургентниот хируршки центар.
4. Во Градската болница Осми Септември примен е само еден пациент со сериозни повреди меѓутоа е во стабилна состојба и надвор од животна опасност.
Министерството за здравство упатува сочувство до семејството на починатиот.