Сорос дебело се пресмета, плаќа голема цена
Објавено во: Финансии 14 Јануари, 2017
Американскиот милијардер Џорџ Сорос ниту малку не е задоволен со победата на Доналд Трамп, со оглед на тоа дека поради него претрпел загуба од речиси милијарда долари.
Како што пишува Волстрит Џурнал веднаш откако стана јасно дека Трамп победил на изборите, американските берзанските индекси нагло изгубиле на вредност, но тогаш дошло до неочекуван пресврт - акциите почнале да растат во просек за 10 проценти дневно.
Американскиот весник, повикувајќи се на неименувани извори блиски до бизнисот на милијардерот, наведува дека Сорос очекувал нагол пад на вредноста на берзанските индекси.
Меѓутоа, се случило целосно спротивно сценарио.
Растот, кој следел негативно се одразил на капитализацијата на неговиот фонд. Сорос очекувал дека падот ќе биде поголем, што се испоставило како голема грешка, која резултирала со уште поголеми загуби.
Милијардерот во текот на кампањата отворено ја поддржувал и финансирал Хилари Клинтон, поради што и не чуди неговата скептичност по прашање на состојбата на пазарот по победата на Трамп.
Берзата покажала дека човекот кој ретко греши кога се во прашање акции-сепак згрешил.
Сорос не бил сам во претпоставките. Додуша, речиси сите експерти од Волстрит очекувале вртоглав пад на пазарот во случај на победа на Трамп.
Сорос по победата на Доналд Трамп ги критикувал републиканците, обвинувајќи дека е „можен диктатор“ и ја предупредил Америка дека тој резултат на изборите ќе има „долгорочни последици по здравјето на демократијата“.