Соседите на Катар почнаа да попуштаат?
Објавено во: Економија 19 Јули, 2017
Дипломати од четирите држави кои го блокираат Катар рекоа дека сакаат да ја решат оваа криза на пријателски начин.
Четирите арапски држави кои го ставија Катар под изолација, го омекнаа тонот и веќе не инсистираат земјата да ја исполни нивната листа со 13 конкретни барања, кој е објавена минатиот месец, пишува БиБиСи (BBC).
Дипломати од Саудиска Арабија, Обединети Арапски Емирати (ОАЕ), Бахреин и Египет изјавија дека сега тие вклучуваат обврски за борба против тероризмот и екстремизмот, како и прекин на активности кои тие ги сметаат за провокативни. Засега нема коментар од Катар, кој ги отфрла обвинувањата дека им помага на терористите.
Катар одби да се согласи со барањата кои се закануваат на суверенитетот или се во спротивност со меѓународното право. Државата ја осуди изолацијата која ја наложија нејзините соседи. Блокадите по копно, море и воздух, воведени пред шест недели, предизвикаа турбуленции во Катар, земја што се потпира на увозот, за да одговори на основните потреби на населението.