СОСТОЈБА НА ПАТИШТА: Забраната за влез во Грција уште трае-внимавајте на овие патни правци!
Објавено во: Македонија 12 Јануари, 2017
Утринските информации од Авто-мото сојузот велат дека се уште не се дозволува влез во соседна Грција за тешки товарни возила.
Причината за забраната се лошите временски услови и состојба на патиштата во соседната земја.
Што се однесува до состојбата на патиштата кај нас, од АМСМ соопштуваат дека на тешки товарни возила им е забрането да се движат на планинскиот премин Пресека, како и на патниoт правец Маврово – Дебар. Останатите возила можат да патуваат преку овие патни правци но со задолжителна зимска опрема.
Речиси на сите државни патишта се патува во зимски услови, по влажни коловози, наместа со остатоци од снег на коловозот.
Посебно внимание да се посвети на клисурите и засеци каде е можна појава на помали одрони. Такви се патните правци: Кочани – М.Каменица - Делчево, Виница - Берово, Гостивар - Стража, Маврово-Дебар-Струга, Д.Капија – Удово, Катланово-Велес, Крушево - Демир Хисар и Ресен-Буково.
Возачите да се однесуваат согласно законските прописи.