Путин - Иванов: Посакуваме внатреполитичката ситуација во Македонија да се развива согласно Уставот
Објавено во: Македонија 24 Мај, 2017
Русија со особено внимание следи што се случува во Македонија, му пренел претседателот на Руската Федерација, Владимир Путин на македонскиот претседател Ѓорге Иванов, денеска на средбата во Москва, јавува МИА.
„Посакуваме внатреполитичката ситуација во Македонија да се развива согласно Уставот и демократските принципи. Уверен сум дека вашето искуство, вашето влијание и авторитет ќе придонесе за тоа“- изјавил Путин .
Тој изразил задоволство од унапредувањето на македонско - руските односи и додал дека има позитивно движење во економската размена.
Иванов вчера од Патријархот на Руската православна црква, Кирил доби награда.
На почетокот на средбата Путин му ја честиташе наградата на Иванов којашто вчера му ја врачи Патријархот на Руската православна црква, Кирил.
Иванов изрази особено задоволство што токму на овој ден, кога се одбележува празникот Свети Кирил и Методиј има средба со него.