СРЕДСТВАТА НА КЛИЕНТИТЕ ВО ИЛИРИКА СО КОНТИНУИРАН ПОРАСТ

Добивај вести на Viber

Илирика Југоисточна Европа, со нето добивка од 16,4% во 2017 година, втора година по ред е убедливо најпрофитабилен инвестициски фонд во Македонија.

Обемот на средства во фондовите на Илирика во 2017 година бележат континуиран пораст, а особено динамичен раст има услугата Индивидуално управување со портфолио за сметка на клиент. Довербата на клиентите се потврдува преку надпросечната добивка и преку успехот на управување со нивните средства. 

На денешната инвеститорска средба и презентација на постигнатите резултати од работењето на Илирика во изминатата 2017 година, меѓудругото, беше презентирано и признанието „Најдобар инвестициски фонд“, кое Илирика го доби од реномираната издавачка куќа АИ Глобал Медиа од Велика Британија.

„Вложувањето во инвестициски фондови е чекор кој овозможува стабилно управување на личните или корпоративните финансии кои притоа растат, благодарение на внимателните инвестициски одлуки на нашите стручни инвестициски советници. Втора година по ред добиваме меѓународна верификација за нашите резултати од реномирани интернационални организации кои ја одразуваат довербата во Илирика, а нам ни даваат мотив за уште поголем успех во вложување на средствата на нашите клиенти“, рече Коста Костадиновски, извршен директор на Илирика Фунд Менаџмент.

Присутните на Годишната инвеститорска средба се запознаа со најновите информации и случувања на македонската и на светските берзи, а беше искакнато дека Брокерското друштво на Илирика, трета година по ред, е број еден брокер за хартии од вредност во Македонија по остварен промет. Илирика ги претстави најзначајните постигнувања од минатата година и чекорите кои ќе ги превземe согласно очекувањата за периодот кој следува.