Српската Влада со пакет мерки за спас на сточарството

Добивај вести на Viber

Српската Влада  донесе одлука за зголемување на субвенциите во сточарството. Планот е на овој начин да им се помогне на сточарите и да се ублажат последиците од сушната година. Владината одлука предвидува двојно поголеми субвенции по грло добиток и зголемена субвенција за литар млеко. Така за матични грла добиток субвенцијата е зголемена на 25.000 динари по грло, за тов на јунци 10.000 динари, за тов на свињи 1.000 динари по грло, а субвенцијата за литар млеко наместо пет ќе биде седум динари. -  Државата на овој начин ќе ги ублажи последиците од сушата и ќе го поттикне сточарското производство, со оглед на тоа дека добиточниот фонд во Србија е драстично намален, а исто така намалено е и производството на млеко, од кое само 40 отсто е екстра класа, изјави српскиот министер за земјоделство, Горан Кнежевиќ. Српскиот министер најави дека веќе на следната владина седница ќе биде усвоена и Уредбата со која се предвидува 500 килограми пченка за секое грло добиток во затворен систем. Државата веќе почнала со откупот на предвидените 200.000 тони пченка за стокови резерви.