СРПСКИ МЕДИУМИ: Повеќе од еден милион Македонци едвај врзуваат крај со крај
Објавено во: Балкан 19 Октомври, 2016
Речиси половина милион граѓани на Македонија се сиромашни, а околу 1,2 милиони од нив имаат проблем да врзат крај со крај во месецот. Дури 43,2 проценти од жителите на Македонија немаат доволно приходи за нормален живот, додека 300 000 пензионери хранат 900 000 луѓе. Ваква приказна објавија дел од српските медиуми за животот на Македонецот, повикувајќи се на податоците на последната конференција одржана во Скопје а која се однесуваше на сиромаштијата.
Во пишувањата стои и дека со ваква поразителна статистика, Македонија се најде во самиот врв на европската листа сиромашни земји. Затоа и неч чуди што наназад 16 години, според податоците на ОЕЦД, од Македонија се иселиле 171.730 луѓе. Во пораст е и бројот на македонски граѓани кои вадат бигарски пасосши. Во последните 10 години тој број изнесува 57.627а уште 48.589 други добиле државјанства на некои други земји од Европската унија.
На конференцијата „И јас сака, живот како останатите“, која во Скопје ја организираше „Македонската платформа против сиромаштијата“, се слушнаа фрапантни податоци дека околи половина милион луѓе живеат под прагот на сиромаштијата, дека 180 000 живеат со 14 денари (околу 0,4 евра) на ден, а 90 000 со 22 денари (близу 0,3 евра) дневно, додека социјалната помош која ја примаат среќниците, изнесува само 2 500 денари (40 евра).
На конференцијата исто така беше посочено дека се сиромашни и оние кои се вработени, а пензионерите со своите скромни пензии се принудени да ги издржуваат младите, работно способните, но и невработените, или своите децат кои работат со минимални плати.
„Денес 300 000 пензионери хранат 900 000 луѓе. Ѕоа е факт. За жал, пензионерите секојдневно „си заминуваат“ и оставуваат уште поголема сиромаштија во земјата“, истакнаа од Советот на здружението на пензионери на Македонија.