СТАТИСТИКА: Кој регион се соочува со најголема миграција?
Објавено во: Македонија 27 Јуни, 2017
Податоците за внатрешните миграции, во рамките на еден регион, покажуваат дека најголемо учество од 35 % имаат преселбите од село во град.
Во вкупните миграции на ниво на регион од село во град, најголемо учество има Источниот регион со 46.8%, додека во Полошкиот регион најголемо учество имаат меѓуселските преселби со 58.3%, покажуваат податоците од Државниот завод за статистика.
Салдото на надворешните миграции е најголемо во Скопскиот регион, а најмало во Полошкиот регион.
Во Вардарскиот регион вкупно доселени има 255 лица, а отселени се 466 лица.
Во Источниот се доселиле вкупно 260 лица, а се иселиле вкупно 466.
Во Југозападниот регион се доселиле 298, а се иселиле 378 лица.
205 лица се доселиле во Југоисточниот регион, а се иселиле 306 луѓе.
Во Пелагонискиот регион се доселиле 279, а се иселиле 448 луѓе.
210 се доселиле во Полошкиот регион, а се иселиле 367 лица.
Во Североисточниот регион се доселиле 188 лица, а се отселиле 460 лица.
Во Скопскиот регион се доселиле 1767, а се иселиле вкупно 571 лице.