СТАТИСТИКА ЗА МАЈ: Ова се просечните бруто и нето плати
Објавено во: Економија 21 Јули, 2017
Просечната месечна исплатена бруто-плата по вработен во мај 2017 изнесува 33 640 денари, a нето-платата била 22 889 денари.
Според податоците на Државниот завод за статистика, индексот на просечната месечна исплатена бруто-плата по вработен, во мај 2017 година, во однос на мај 2016 година, изнесува 102.6, а индексот на просечната месечна исплатена нето-плата
по вработен, во мај 2017 година, во однос на лани е 102.5.
Ваквото зголемување се должи, пред сè, на зголемувањето на просечната месечна исплатена бруто-плата по вработен во секторите: Рударство и вадење на камен (13.1%), Преработувачка индустрија (5.7%) и Стручни, научни и технички дејности (5.3%).
Зголемување на просечната месечна исплатена бруто-плата по вработен, во однос на претходниот месец, е забележано во секторите: Рударство и вадење на камен (5.2%), Градежништво (4.2%) и Стручни, научни и технички дејности (4.0%).
Во мај 2017 година, 1.2% од вработените во Република Македонија не примиле плата.