Стевче Јакимовски: Да се надомести изгубеното време од кризата по изборите, победникот е јасен
Објавено во: Финансии 11 Декември, 2016
Стевче Јакимовски, претседател на ГРОМ кој е во коалиција со ВМРО-ДПМНЕ, по денешното гласање ја поздрави демократската атмосфера која владеела во текот на изборниот ден и порача тој што ќе победи да се нафати на развој на земјата за да се надомести изгубеното време додека траеше политичката криза.
- Поразениот достоинствено да ги прифати резултатите и да му ја честита победата на победникот, а победникот да не се однесува реваншистички, туку веднаш да се зафати со работа. Максимално да се посветиме на решавање на приоритетите и секојдневните проблеми на граѓаните и да ги надоместиме изгубените две години политичка криза, изјави Јакимовски.