Стопанска Банка а.д.Битола го одбележува Европскиот месец на сајбер безбедноста
Објавено во: Мои пари 30 Октомври, 2017
Стопанска Банка а.д.Битола го одбележува Европскиот месец на сајбер безбедноста -октомври (ECSM), приклучувајќи се на кампањата на Европската Унија која го промовира подигнувањето на свеста за сајбер безбедноста кај граѓаните и организациите и важноста на безбедноста на информациите. Банката превзема разни активности преку кои ги истакнува едноставните чекори што може да се преземат за да се заштитат податоците на клиентите, без разлика дали се лични, финансиски и / или професионални.
Со цел да се зголеми свесноста кај клиентите од можните закани кои произлегуваат од дигиталниот простор Стопанска Банка а.д. Битола денес организираше настан во експозитурата Систина во Скопје, каде се оддржаа кратки обуки и анкети со клиентите.
Сите заинтересирани добија памфлет со насоки како да останат безбедни онлајн и насоки за безбедно користење на електронските услуги на Банката.
Во прилог Ви го испраќаме памфлетот и во продолжение дел од општите совети како да останете безбедни онлајн:
1. Проверете ги линковите.
Не ги отворајте линковите или прилозите ако незнаете дека се безбедни.
Одете до веб-страница директно преку впишување на линкот во пребарувачот.
2. Ажурирајте го софтверот на најновата верзија.
Одржувајте ја вашата безбедност со конфигурирање и надградба на софтверот кога е потребно.
3. Поврзете се во мрежа безбедно.
Бидете внимателни што се пренесувате преку отворени и јавни безжични мрежи и особено ако сте деловен корисник употребете VPN софтвер кога се најавувате од јавна мрежа.
4. Бекапирање и криптирање на податоците.
Бидете сигурни дека сите податоци поврзани со бизнисот се криптирани со цел да се спречи неовластен пристап и кражба на податоци.
5. Чувајте ги личните податоци на сигурно.
Бидете внимателни каде ги чувате чувствителните или доверливите податоци. Ако ги складирате во облак, бидете сигурни дека сте запознаени со правилата и услови на давателот на услугата.
6. Заштитете ги мобилните уреди.
Исклучете го Bluetooth-от односно поставете го како "Неоткривачки".
7. Заштитете ги лозинките.
Креирајте лозинки кои тешко се погодуваат за секоја веб-страница чии услуги ги користите.