Добивај вести на Viber
Штедете во евра – каматата ќе биде исплатена однапред. Стопанска Банка – Битола со нова понуда за потенцијалните штедачи. На пазарот го лансираше пакетот “Депозит со антиципативна исплата на камата во ЕУР на 12 месеци“.
Граѓаните што ќе одлучат да штедат по овој модел, каматата ја добиваат однапред. Според правилата на Банката, станува збор за девизен депозит во евра. Минималниот штеден влог треба да изнесува најамлку 100 евра. Периодот на орочување е 12 месеци, односно една година. Банката пресметува фиксна камата за штедниот влог од 3% на годишно ниво.
“Станува збор за пропорционална метода за пресметка на камата. Таа ќе се исплаќа антиципативно, првиот работен ден во следниот месец од месецот на орочувањето на парите. Минималниот влог не може да биде помал од 100 евра и во текот на периодот на ороченост тој не може да се надоплнува, но клиентот, доколку сака паралелно може да орочи и друг депозит. Предноста е во тоа што каматата е фиксно утврдена и дека таа се исплаќа веднаш, односно првиот ден во следниот месец по орочувањето“ – објаснуваат од Стопанска Банка – Битола.
Од таму велат дека доколку клиентот сака да изврши разорочување на депозитот ќе мора да плати еднократен фиксен износ во вредност од 3.000 денари.
“Депонентот не може да располага со орочениот штеден влог пред истекот на договорениот рок на орочување. Во случај на потреба на Депонентот, може да поднесе писмено барање за предвремено разрочување на средствата од депозитот за исклучителни случаи, за итни и вонредни потреби, во тој случај Банката ќе го разорочи депозитот со тоа што на Депонентот ќе му ја исплати разликата, намалена за однапред исплатената камата и воедно ќе му наплати и надомест за разорочување на влогот“ – велат од битолската Стопанска Банка.