Стопанската комора на Македонија утре ќе ја одбележи 96-годишнината од коморското дејствување во Македонија
Објавено во: Мои пари 15 Февруари, 2018
Стопанската комора на Македонија во целокупното опстојување и работење заедно со своите респектирани и значајни компании-членки, ја изгради и ќе продолжи да ја гради позицијата на најголема, најуспешна, највлијателна и најпочитувана бизнис-асоцијација во државата.
Денес, таа е препознатлива куќа на бизнисот, лидер во коморскиот систем кај нас и во регионот. Држењето настрана од политиката ќе продолжи да биде суштинска потреба за најоптимално извршување на коморската функција.
Со над 11.000 претставници на фирми - учесници на коморските настани, над 17.000 издадени документи, преку 200 бизнис-настани, над 90 едукативни настани, 86 електронски публикации и 44 прес-конференции, на годишно ниво, Стопанската комора на Македонија претставува вистински репрезент на интересите на деловната заедница.
Нејзината големина, успех, влијание и почит во домашното и меѓународното опкружување го создаваат токму компаниите-членки, кои со своите иницијативи, активности, барања, но и потреби за вмрежување, преку Комората ќе дејствуваат и здружено ќе се соочуваат со сите предизвици за водење бизнис во особено тешки времиња, како што се денешниве.
Како и досега, Стопанската комора на Македонија и во иднина ќе биде главниот поддржувач во напорите за натамошен раст и развој на бизнисот, со кој успешно ќе ја дочека и ќе ја прослави 100-годишнината од коморското постоење и дејствување, раководејќи се од слоганот: со членството моќни – во визиите истрајни!