Стoтици илјади луѓе на протести против Трамп

Добивај вести на Viber

Стотици илјади луѓе се собраа во градовите ширум САД, во знак на протест поради новиот американски претседател, Доналд Трамп кој вчера официјално стапи на функцијата. 

Во Вашингтон, каде што се одржува најголемиот марш, учествуваат 275.000 луѓе. Според заменик градоначалникот на Вашингтон, организаторите на протестот тврдат дека се собрале половина милион граѓани. Официјалниот назив е Марш на жените, но и многу мажи им се придружија на жените во кревањето на гласот против администрацијата на Трамп. Илјадници жени излегоа на улиците од некои од главните градови во Европа за да им се придружат на „сестринските маршеви“ во Азија и во Австралија против новиот американскиот претседател Доналд Трамп. На главниот протест во Вашингтон учествуваат и славни личности, како активистката за човекови права Анџела Дејвис, феминистката Глорија Стајнем, поп-пејачката Кети Пери, филмскиот режисер Мајкл Мур, глумиците Шарлиз Терон, Ешли Џад и Скарлет Џохансон. Повеќе од 200 луѓе беа уапсени кога полицијата се судри со маскирани демонстранти во црна облека кои кршеа прозорци на ресторани, банки и автомобили и фрлаа канти за смет во центарот на Вашингтон.

Масовни протести имаше и во Бостон, Њујорк, Денвер и Чикаго.