Добивај вести на Viber
Странските директни инвестиции во Индија се намалени во декември за 19 отсто на 1,1 милијарда долари, задавајќи удар на владата која се обидува да привлече средства неопходни за модернизација на застарената инфраструктура во земјата. На Индија и е потребно да привлече околу билион долари во следните пет години за да ја обнови старата инфраструктура, вклучувајќи ги и пристаништата, аеродромите и автопатите, со цел за поттик на паднатиот стопански раст. Во декември во 2011 таа земја привлече СДИ во вредност од 1,35 милијарди долари. Во осум месеци заклучно со декември 2012, приливот на странски инвестиции е намален за 42 отсто на годишно ниво, на 16,94 милијарди долари.