Добивај вести на Viber
Штип ја започна изградбата на водоводната линија 2, која треба да обезбеди вода за пиење за фабриките во Технолошко-индустриската развојна зона и за водоснабдување на спа центрите предвидени за изградба во близина на бањата „Кежовица“. Директорот на ЈП „Исар“ Никола Мицевски изјави дека сега се гради првата фаза од Водоводната линија два на потегот од Препумната станица до Технолошко развојната индистриска зона, во должина од 1, 3 километри вредна околу 800.000 евра. Со втората фаза пак е предвидено изградба на цевковод долг 3,3 киломтери и два резервоара. Според бројот на жители Општина Штип треба да добие над 1.500.000 евра од кои 900.000 до 1.200.000 евра ќе бидат наменети за втората фаза на Вододната линија два, а останатите за изградба на канализациска мрежа во приградската населба Карорман.