Струмичанец на Фејсбук заработил 20.000 евра, но затаил данок
Објавено во: Македонија 24 Февруари, 2018
Дваесет и пет годишниот Д.Д. од Струмица доби кривична пријава затоа што затаил данок за пари заработени преку продажба на услуги на Фејсбук. Струмичанецот заработил преку 20.000 евра.
Како што соопштија од МВР Секторот за внатрешни работи Струмица поднесе кривична пријава против Д.Д. (25) од Струмица поради постоење основи на сомнение за сторено кривично дело „даночно затајување’’.
Во текот на 2015 година пријавениот со продажба на услуги преку социјалната мрежа „Фејсбук” остварил приход од 1.260.511 денари, којшто го примил преку брз трансфер на пари, но за таа сума не платил данок во висина од 126.051 денари и за таа сума го оштетил буџетот на Република Македонија.