Студенти се жалат на недостиг на топла вода и струја во студентските домови

Добивај вести на Viber

Студентскиот пленум повика на итно реагирање бидејќи во студентските домови, а особено во „Кузман Јосифовски Питу“ постојано снемува струја, а нема ниту доволно топла вода во текот не денот, со што студентите во екот на најсилните студови оваа зима се оставени да се смрзнуваат и немаат елементарни услови за престој и живеење. 

„Министерство за образование и наука додека чекаме нова влада да се формира за да ги објавите списоците на студентите што ќе добијат стипендија, може барем парно и вода да пуштите во студентските домови“, посочуваат од Студентски пленум.

Студентите сместени во студенскиот дом „Кузман Јосифовски - Питу“ веќе неколку дена мрзнат без греење, со има-нема струја и едвај два часа во денот има топла вода, реагираше и пратеникот Стефан Богоев од Социјалдемократската младина.

„Откако власта на ВМРО-ДПМНЕ во заминување најпрво пред изборите ги изжедни студентите од „Кузман“ оставајќи ги без вода, сега пост-изборно ги наградува со сибирски тренинг на издржливост на -20 и со бесплатна обука за учење под свеќа! Шегата на страна, Министерство за образование и наука итно да го реши проблемот уште денес, за да не бидеме приморани ние младите и студентите сами да делуваме и да се солидаризираме“, вели Богоев.