29 Март, 2024
0.0267

Студентите од Клауд Академиите ќе работат на развој на иновативни производи наменети за домашен и странски пазар

Објавено во: Мои пари 06 Октомври, 2015

Добивај вести на Viber

Вчера во Њу Менс Бизнис Акцелераторот беше одржана средба меѓу студентите и дел од компаниите партнери на акцелераторот, каде што се промовираа најнови иновативни проекти на компаниите во чиј развој и реализација ќе можат да се приклучат студентите од Клауд Академиите уште од самиот почеток на програмите. Ваква можност без исклучок ќе имаат студентите од сите програми: Развој на веб, мобилни и клауд апликации, Графички и веб дизајн, 3Д моделирање, анимација и пострподукција, Маркетинг, адвертајзинг и комуникации, Компјутерски мрежи и сајбербезбедност.

Ваквата соработка со компаниите партнери е израз за довербата во квалитетот на стручната едукација што ја нудат програмите на Клауд Академиите на Акцелераторот со оглед дека станува збор за комерцијални проекти на компаниите за кои имаат поставено реални бизнис цели и ќе се работи со реални буџети и прецизни пазарни очекувања.

“Компјутерска и мрежна безбедност, графички и веб дизајн, развој на веб и мобилни апликации, сите оние вештини кои што вие ги развивате тука се од исклучителна важност за нашиот проект. Затоа можноста за вклучување во вакви проекти треба максимално да ја искористите со цел во реални пазарни услови да го имплементирате знаењето што ќе го стекнете на Академиите и да ги потврдите вашите вештини во реални бизнис услови”, Игор Стаматовски, основач и директор на ИБОРН, компанија носител на еден од проектите што ќе биде наменет за пласман на пазарите во Западна Европа.

studenti 1

Освен што студентите ќе можат да го прикажат своето знаење во областа во која специјализираат, преку овие проекти тие ќе работат и на надоградување на бизнис вештините, работа во тим со колеги од другите области, презентација и комуникација пред компаниите носители на проектите кои ќе треба да ги прифатат нивните предлог решенија, а ќе можат да видат и како нивните решенија и предлози се прифатени од страна на реалните корисници на пазарот.

“На нашиот проект се работи веќе подолг временски период и самиот проект е ориентиран за странски пазари, пред сè Америка. Она што е важно за вас, е да ги покажете вештините кои што ќе ги развиете тука, а при самиот развој на проектот вие ќе добиете и други значајни бизнис вештини кои што додаваат вредност и на вашето портфолио и на вашиот професионален став во индустријата во која што се развивате”, Глигор Дачевски, претприемач, носител на проектот CalorieScale.

Академијата ќе започне во третата недела во Октомври, а веќе активно се работи на подготовка на студентите за академиите и комуникација и запознавање со нивните ментори и компании каде што тие во иднина би можеле да добијат и официјална пракса и професионален ангажман.

“Овие иницијативи и вакви непосредни средби со поискусните луѓе во бизнис средината како нас, ако не сега, во иднина дефинитивно ќе разберете зошто ви се потребни и премногу важни во процесот на вашиот професионален развој. Вие како новите генерации на знаењето, не само што треба да го прифатите овој нов концепт на приближување со компаниите, туку треба да го водите, а преку него да научите како е да работите самостојно, да ги пронаоѓате работите кои што вас ве интересираат на време, а не тоа да го искусите подоцна и некој да ви виси постојано над глава и да ве притиска да правите нешто што не ве исполнува”, Илија Јованоски технички директор во компанијата за развој на софтвер Прајм Аппс, која работи на нов иновативен проект со средства обезбедени преку Фондот за иновации и технолошки развој.

studenti 2

Во рамки на Акцелераторот, започна со работа и Прототајпинг студиото, и во него веќе се работи на првиот иновативен продукт чиј прототип е најавен за крајот од овој месец. “Станува збор за Телеконференциски Робот, на кој што ќе може да ги вклучиме сите студенти од Академиите кои ќе можат да дадат реален придонес во процесот на дизајн на производот, програмирање, маркетинг стратегија за пристап до клиентите и развој на самиот производ и проект од неговиот старт па се до неговата комерцијализација.” – Влатко Ќосев, Координатор на прототајпинг студиото во акцелераторот, а минатогодишен студент на Академиите.

Александар Бојкоски, студент на Академијата за графички и веб дизајн “Од презентацијата на проектите можам да согледам дека се работи за амбициозни, но реални и остварливи проекти. Ова е одлична можност да се види процесот на развој и начинот на организација на времето и ресурсите. Дополнителна мотивација е практичното искористување на вештините кои ги поседуваме во нешто што на крај ќе даде готов производ спремен за пазарот.“

Пријавувањата за академиите сè уште се во тек и неподелени се уште неколку стипендии во висина од 50% и 70% (Линк за аплицирање: https://goo.gl/rl637Y Повеќе инфо на www.newmansba.com)

Можеби ќе ве интересира

Склучен Меморандум за соработка со Кроација осигурување АД, Друштво за неживотно осигурување Скопје

Склучен Меморандум за соработка со Кроација осигурување АД, Друштво за неживотно осигурување Скопје

Дарко Лукиќ од 1 јули е новиот извршен директор на Групацијата Нелт

Дарко Лукиќ од 1 јули е новиот извршен директор на Групацијата Нелт

Континуирана едукација и почитување на етичките и професионалните меѓународни стандарди се клучни за статусот и развојот на сметководството

Континуирана едукација и почитување на етичките и професионалните меѓународни стандарди се клучни за статусот и развојот на сметководството

Општина Центар е лидер во промени, Иницијативата за конфискација на дивоградби се преточи во закон

Општина Центар е лидер во промени, Иницијативата за конфискација на дивоградби се преточи во закон

Прилепска Пиварница одбележува 100 години постоење

Прилепска Пиварница одбележува 100 години постоење

Откријте го врвното искуство на гледање со FUEGO Electronics и новата серија 720GTV на Google TV

Откријте го врвното искуство на гледање со FUEGO Electronics и новата серија 720GTV на Google TV

Сликовницата „Рокчето“ од Никола Маџиров ќе биде промовирана во Струмица на Светскиот ден на книгите за деца

Сликовницата „Рокчето“ од Никола Маџиров ќе биде промовирана во Струмица на Светскиот ден на книгите за деца

САМО СО DINERS CLUB КУПЕТЕ МЕБЕЛ И ПРОИЗВОДИ ЗА ДОМАЌИНСТВО СЕГА, А ОДЛОЖЕТЕ ГО ПЛАЌАЊЕТО ЗА ЈУНИ

САМО СО DINERS CLUB КУПЕТЕ МЕБЕЛ И ПРОИЗВОДИ ЗА ДОМАЌИНСТВО СЕГА, А ОДЛОЖЕТЕ ГО ПЛАЌАЊЕТО ЗА ЈУНИ

Македонски Телеком ја гаси старата 3G технологија

Македонски Телеком ја гаси старата 3G технологија