22 Јануари, 2018
0.4018
    ALK 7640    -0.13%     GRNT 830    0.73%     KMB 3138.74    -0.42%     OKTA 3200    2.86%     RMDEN16 94.5    0.11%     RZUS 124    9.73%     TETE 2060    3%     TPLF 1798.38    -0.03%

Судот привремено забрани да се продава имотот на „Скопски пазар“

Објавено во: Економија 20 Март, 2017

Времената мерка судот ја донел по барање на Основното јавно обвинителство и тоа со цел да се заштити имотот додека трае постапка во која се осомничени членови на Управниот одбор и на Надзорниот одбор и голем акционер во „Скопски пазар“. Иако времената мерка е на сила, досега оваа ценовно-чувствителна информација не е објавена.

Основниот суд Скопје 1 донесе времена мерка со која забрани продажба (отуѓување) и оптоварување со залози на движен и недвижен имот на „Скопски пазар“, дознава „Фактор“ од судски извори. Ова решение било донесено при крајот на февруари односно пред еден месец и тоа по предлог на Основното јавно обвинителство од Скопје кое води постапка во која се осомничени членови на Управниот одбор и на Надзорниот одбор како и еден голем акционер во „Скопски пазар“.

Решението со кое се забранува отуѓување или оптоварување на своите недвижности и стварни права е заради обезбедување на имотно-правно барање на оштетени кои се акционери во „Скопски пазар“. Судот во решението што е доставено до Агенцијата за катастар на недвижности ставил забрана врз продажба или оптоварување на недвижни имоти на „Скопски пазар“ во: Битола, Кавадарци, Калуѓерица, Охрид, Ресен, во скопските катастарски општини Бутел, Кисела Вода, Маџари, Трубарево, Карпош, Кисела вода 2, Чаир, Драчево, Ѓорче Петров 3, 4 и 6, Центар 1 и 2, Синѓелиќ 1 и Гази Баба.

Освен ова Судот му наложил и на Централниот депозитар за хартии од вредност привремено да замрзне продажба на сопствените акции на „Скопски пазар“, како и на акции што оваа фирма го поседува во: „Комерцијална банка“, „Гранит“, „Македонски телеком“ и во „Стопанска банка Битола“. Воедно забраната се однесува и на приоритетни акции што во сопствен закуп ги има „Скопски пазар“. Привремената мерка забрана, како што дознаваме, е донесена врз основа на член 120 став 1 од Законот за кривична постапка.

Дознаваме дека подносител на пријавата против членови на Управниот одбор и на Надзорниот одбор и акционер во „Скопски пазар“ е компанијата „Современ дом“ која е најголем поединечен акционер во „Скопски пазар“ и поседува 24,8 отсто од акциите, но нема претставник ниту во Надзорниот одбор ниту во Управниот одбор на компанијата. Втор по големина акционер е Тодорка Давитковска, мајка на Сашо Давитковски, која има 11,36 отсто од акциите во „Скопски пазар“. Во сопствен откуп и без право на глас се 11,69 отсто од акциите со право на глас.

Повеќе информации за „Скопски пазар“ може да прочитате на следните линкови:
http://faktor.mk/shto-utvrdi-vonrednata-revizija-na-dilojt-vo-skopski-pazar
http://faktor.mk/kje-stane-li-skopski-pazar-makedonski-agrokor

Р.Ф.

Можеби ќе ве интересира

Италијанци со супер-компјутер ќе откриваат нафта

Италијанци со супер-компјутер ќе откриваат нафта

Виза не го признава Биткоинот

Виза не го признава Биткоинот

ДОСИЕ СУБВЕНЦИИ: Жирито одобрило над 30.000 евра за Цеки и „Силви бенд“

ДОСИЕ СУБВЕНЦИИ: Жирито одобрило над 30.000 евра за Цеки и „Силви бенд“

Ќе се зголемат црните трансфери на пари ако се оданочи брзиот трансфер

Ќе се зголемат црните трансфери на пари ако се оданочи брзиот трансфер

Каков преседан направи РКЕ од кој може да учат Собранието, Владата и министерствата?

Каков преседан направи РКЕ од кој може да учат Собранието, Владата и министерствата?

ГЕРМАНЦИТЕ БОГАТИ КАКО НИКОГАШ ДОСЕГА: Имаат толку многу пари што не ги интересира да штедат и вложуваат

ГЕРМАНЦИТЕ БОГАТИ КАКО НИКОГАШ ДОСЕГА: Имаат толку многу пари што не ги интересира да штедат и вложуваат

Анѓушев: Процесот на продажба на ЕДС ќе биде транспарентен

Анѓушев: Процесот на продажба на ЕДС ќе биде транспарентен

Кои се најбогати луѓе во регионот: Имаат милијарди, а еве и како ги заработиле

Кои се најбогати луѓе во регионот: Имаат милијарди, а еве и како ги заработиле

„Клик Плус“ дебата – Каде водат економските политики на власта?

„Клик Плус“ дебата – Каде водат економските политики на власта?