Судот само преку соопштенија ќе информира за мерки на обвинителствата

Добивај вести на Viber

Кривичниот суд по големиот број на пристигнати прашања соопшти дека нема намера да влегува во медиумска трка за секоја побарана мерка од било кое обвинителство, вклучувајќи го и СЈО кое од секоја истрага прави јавен спектакл. Затоа судот ќе комуницира само со соопштенија за јавност тогаш кога ќе донесе одредена одлука.

„Во однос на повеќе новинарски прашања кои беа упатени до судот во врска со повикување на сослушување на лица опфатени во истражни и предистражни предмети кои ги води Јавното обвинителство за гонење кривични дела поврзани и кои произлегуваат од незаконското следење на комуникациите (СЈО), ја информираме јавноста дека со оглед на тоа дека со постапките на СЈО се прават спектакли со кои секојдневно се занимава јавноста преку прес – конференции и телевизиски излагања, а истовремено не се води сметка за пресумцијата на невиност и законитоста на постапките, судот, респектирајќи го дигнитетот на судската власт, нема да учествува во ваков вид на спектакли туку наместо тоа отсега благовремено и прецизно ќе ја информира јавноста за сите донесени одлуки преку соопштенија.

Од тие причини како суд за сите информации поврзани со истражни и предистражни постапки на некое од обвинителствата во Р. Македонија, ве упатуваме да се обратите до странките во постапките, бидејќи судот ги почитува уставно загарантираните права на сите страни во постапките“, соопштија од Основниот суд Скопје 1.