Суспендиран е водичот кој ја предводеше групата на Кајмакчалан

Добивај вести на Viber

Федерацијата на планинарски спортови на Македонија го суспендирала водичот на групата која за викендoт се искачуваше на планината Ниџе од грчка страна, при што двајца македонски планинари загинаа.

Зоран Костадинов е суспендиран пред се од морални причини, но и поради технички пропусти. 

Според извештајот кон врвот Кајмакчалан тргнале 63 планинари, искачувањето го започнале во 9 и 30 часот утрината. Триесетина минути подоцна, 23 од нив кои биле на половина пат, се откажале и се вратиле во ски центарот.

Кон врвот продолжиле 40 планинари кои биле предводени од две групи, едната од Зоран Костадинов, а втората од Калина Велевска. Првата група од 22 планинари предводени од Костадинов се искачила на врвот во 11 и 15 часот, но заради лошите временски услови само неколку минути се задржала на врвот. Неколку минути подоцна Костадинов наредил и втората група да не се искачува на врвот и заедно да се спуштат. Според извештајот во 11 часот и 35 минути двете групи на планинари започнуваат заеднички да се спуштаат, освен 7 плананири меѓу кои Калина и Александар кои самоиницијативно продолжиле кон врвот.

Калина Велевска и Александар Миновски загинаа при искачување на врвот Кајмакчалан.