Свирни за вистината - бори се и ти со корупцијата
Објавено во: Мои пари 01 Септември, 2017
НОВАТВ влегува во нова авантура, наречена свирни.мк (https://svirni.mk/) за да и помогне на Македонија да се справи со корупцијата која со години ја „јаде“ нашата држава, ја осиромашува и ја става на европското дно на просперитетни земји. Сајтот свирни.мк е нов инструмент преку кој лесно, анонимно и без никава опасност може да се стане „свиркач“ и да се пријави корупција.
Укажувач или популарно - свиркач е оној граѓанин кој во име на правдата се охрабрува да изнесе на виделина информации кои откриваат корупција, криминал и други незаконити дејствија на поединци и организации. Свиркачите често се изложени на ризици кои можат да го загрозат нивниот професионален, личен, па дури и физички итегритет, особено ако информациите кои ќе ги изнесат компромитираат моќни групи во владите и корпорациите.
Тимот истражувачки новинари на НОВАТВ одамна работи на корупцијата во Македонија и има обелоденето повеќе злоупотреби на парите на граѓаните. Тие пари можат да се употребат за повеќе социјална заштита, за подобри патишта, за безбедност во сите области наместо да завршат во џебовите на корумпираните политичари и јавни службеници.
Се надеваме дека вашиот медиум ќе ја поддржи оваа корисна иницијатива.
Дополнителни информации како и деталите за пријавивање корупцијата и безбедноста на свиркачите можете да ги најдете на сајтот свирни.мк, преку мејлот tvnovaweb@gmail.com или нателефонот+389 2 311 1000.