Тачи пресече и закажа избори во Косово
Објавено во: Балкан 11 Мај, 2017
Претседателот на Косово, Хашим Тачи испрати до централната изборна комисија писмо во кое ги закажува парламентарните избори за 11 јуни.
Тачи го распушти вчера парламентот во Приштина откако пратениците гласаа недоверба на владата на Иса Мустафа.
Предлогот за гласање недоверба беше поднесен од опозициското движење "Иницијатива за Косово". Таа беше поддржана од пратениците од "Сојузот за иднина на Косово" и движење "Самоопределување", како и одделни претставници на владејачката коалиција, информираат медиумите од соседството.
Според опозицијата, владејачката коалиција на Демократската партија на Косово и Демократската унија не успеале да ги решат проблемите на земјата и предизвикале политичката криза.