ТАЈНИ НА УСПЕХОТ: Како Фарел Вилијамс создаде бизнис империја за 100 милиони долари?
Објавено во: Финансии 19 Јануари, 2017
Фарел Вилијамс ја поседува способноста да создава хит песни кои се впиваат во вашиот мозок и остануваат таму долго време, без разлика дали тоа ви се допаѓа или не. Но тој применува квалитети не само во музиката, туку и во светот на бизнисот. Компаниите и партнерствата во областите на модата, накитот, медиумите и други му донесоа состојба од 100 милиони долари.
„Музиката секогаш ќе биде моја прва љубов. Но научив дека животот е филм, а јас сум неговиот создавател“, вели изведувачот.
Тој г пуишти на пазарот модните линии Billionaire Boys Club и Ice Cream во 2005 година. Нивата годишна продажба се проценува на над 25 милиони долари. Во 2013 тие беа дополнети и од линијата за дами - Billionaire Girls Club. Марките имаат свои продавници во Њујорк, Лондон и Токио.
Но да правиш бизнис, без да го спасуваш светот во денешно време не е „кул“. Затоа на Вилијамс му помогнал и проектот за изработка на фармерки од рециклирани материјали. Настојувањето доведе до тоа што тој стана и косопственик на G-Star Raw, холандска марка фармерки.
Вилијамс исто така соработува со Adidas на линија патики и создал модели маици за јапонската компанија Uniqlo. Правел и дизајни за Moncler и Louis Vuitton.
Во 2012 година музичарот ја дополни империјата со медиумска компанија I Am Other. Во YouTube канал компанијата продуцира и пушта емисии, насочени - според зборовите на Вилијамс - кон „мислители, иноватори и аутсајдери“. Истата фирма служи и како етикета на Вилијамс и го пушти на пазарот албумот Girls во 2014 година.
Во декември 2016 година изведувачот објави уште едно партнерство со голем бизнис играч - тој ќе биде креативен директор на проектот платинеста карта на American Express.
Некако Вилијамс продолжува да наоѓа време и за музиката. Што го мотивира? „Ме инспирира она што недостасува“, изјави мистериозно Вилијамс пред некое време. „Може и да не направам најдоброто нешто на светот, но сигурно ќе се направи нешто различно.“