Тајниот живот на првата сопруга на Путин: Зошто Људмила мразеше да биде Прва руска дама-се разведе и фати 20 години помлад бизнисмен

Добивај вести на Viber

За приватноста на рускиот претседател Владимир Путин се знае многу малку. Можеби единствениот човек за кого е познато уште помалку, е неговата поранешна сопруга Људмила. Двајцата беа во брак 30 години и имаат две ќерки. Се разведоа во 2013 година. 

Што всушност знаеме за животот на Људмила?

Пред да се „врзе“ со Путин, таа работела како стјуардеса. Се сретнала со идниот претседател во почетокот на 80-тите година на минатиот век во Ленинград, ги запознава заеднички познаник. Се венчале во 1983 година. Првата ќерка Марија е родена година подоцна, а втората - Катерина, во 1985 година .Девојките се чуваат надвор од светлата на рефлекторите и се смета дека живеат под лажни имиња.

Постепено Путин се издига од агент на КГБ до државен шеф. Според различни извори Људмила ја мрази својата улога на Прва дама. Не ги сакала официјалните приеми и да биде во центарот на вниманието. Затоа и се оддалечувала од обврските на својот сопруг.

Причината која двојката ја посочи за разводот беше дека речиси не поминуваат време заедно. „Владимир Владимирович е целосно посветен на работата. Децата ни пораснаа, а јас навистина не сакам публицитет“, изјавила самата Људмила.

Во 2016 година стана јасно дека таа се омажила повторно. Нејзин избраник е Артур Очертни - бизнисмен кој е 20 години помлад од неа.

Неодамна двојката си купи вила во јужниот дел на Франција за близу 7,5 милиони долари. Медиуми објавија дека во моментов имотот е во ремонт. Чудесната цена покрена прашања за финансиската состојба на поранешната госпоѓа Путин, која очигледно е доста добра.

Во меѓувреме за рускиот претседател се знае дека има врска со поранешната шампионка во гимнастика Алина Кабаева. Се разбира, оваа врска исто така не се истакнува во јавност. Кабаева има две деца, а гласините велат дека таткото е токму Путин.