ТАРАВАРИ ПОДГОТВУВА РЕВИЗИЈА: Кому Тодоров му делел хонорари од над 100 000 денари?
Објавено во: Македонија 22 Јуни, 2017
Јавноста наскоро ќе биде информирана кому екс министерот Тодоров му делел хонорари високи 2 илјади евра или околу 100 000 денари месечно, обелодени министерот за здравство Арбен Таравари.
Таравари денеска соопшти дека имало голем број на лица со договор на дело, кои земале месечно суми од пет до шест просечни плати.
„Се уште немам инфорамција за колку лица станува збор, бидејќи во тек е ревизијата. Колку точно пари се трошеле за ангажман на овие луѓе исто така не знам, но станува збор за добри плати, за западноевропски плати“, рече Таравари.
По ревизијата за хонорарите која е во тек ќе се знаат идните чекори на Таравари во однос на ваквите случаи.