Таравари: Здраво ВМРО, ја чекам интерпелацијата
Објавено во: Македонија 13 Август, 2017
Министерот за здравство Арбен Таравари преку својот Фејсбук профил им се обрати на ВМРО-ДПМНЕ кои го обвинија дека додека тој се шетал по плажи се случила голема трагедија во која млада девојка починала поради погрешна дијагноза на клиника.
- Здраво ВМРО. Тука сум, во Гостивар и во Скопје, секој ден на работа, ниту еден единствен ден не сум бил на одмор, само за ваша информација. Како второ, кажете која е пациентката што починала од труење на крвта, има ли име и презиме, ако има треба да се пријави во надлежните институции за да се превземаат мерки! Меѓутоа и вие знаете дека нема таков случај. Како трето, вие немате кредибилитет и релевантност да зборите за етика и морал, ве слушавме цела година се што сте местеле, апселе и краделе….место да измислувате приказни за деца, почнете да се реформирате и да ги исчистите своите реедови од криминалци и лопови, бидејќи знам дека и меѓу вас има чесни и добри луѓе, кои треба да ја водат конструктивната опозиција. И сосема на крај, ја чекам интерпелацијата, време е порача Таравари.