ТАВ продаде 3,7% од сопственичкиот удел за огромна капитализација
Објавено во: Економија 12 Септември, 2017
Тепе Иншат и Сера Јапи продадоа дел од своите акции во ТАВ аеродромите во вкупен износ од 3,76 % од сопственичкиот удел во компанијата. Продадени се 13.659.376 акции, а посочено е дека холдинзите нема да продаваат акции во наредните 270 денови. Тепе Иншат сега ќе поседува 5,06% од вкупниот број на акции во ТАВ, додека пак Сера Јапи сега има 1,29% сопственички удел во холдингот. Една акција се продаваше за 19,85 турски лири што е околу 5 евра по акција. Тоа значи дека ТАВ со оваа продажба стекна капитализација од околу 66 милиони евра.
- Како основачи и акционери на ТАВ Аеродроми, ние продадовме само дел од нашите акции. Нашите учества во одборите ќе продолжат. Сера Јапи продолжи во ист начин како и со продажбата на делот на акции на Тепе Иншат. Иако, се работи за мало количество во споредба со последната продажба на удели во Борса Инстанбул, високата побарувачка од странските институционални инвеститори резултираше во многу брз пласман што ја покажува довербата во нашата компанија и земја, посочи Сани Шенер, генералниот извршен директор на ТАВ Аеродроми.
Сани Шенер ќе продолжи како генерален извршен директор на компанијата до почетокот на 2020 кога ќе продолжи како претседавач на Бордот на директори уште најмалку две години. Бордот има вкупно 11 членови од различните сектори на ТАВ.
Продажбата на акцискиот удел беше извршена под надзор на Credit Suisse Securities.
Тепе Иншат го претставува градежниот дел од ТАВ кој прерасне во гигант како на домашно тло во Турција, така и со проектите во странство.
Сера Јапи, пак е семејна компанија основана во 1995 година од инженерот д-р Сани Шенер со инвестиции и во недвижниот сектор.
ТАВ оперира со два аеродрома во Македонија, „Александар Велики“ во Скопје, и „Св. апостол Павле“ во Охрид.