24 Јануари, 2018
0.4477
    ALK 7707.16    0.11%     BESK 9518    -4.73%     FERS 56000    0%     GRNT 830    0%     KMB 3080.48    -1.77%     MPT 28856.12    -0.18%     PPIV 37500    0%     RMDEN13 96    0%     RMDEN16 94.5    0%     SBT 2080    2.97%     STBP 600    0%     STIL 149.79    -2.73%     TEL 284.57    0.55%     TIKV 153    0%     TTK 973.78    2.5%     UNI 1999.2    -0.04%     VITA 7562    7.08%

Температури и до -4, овошките да се заштитат

Објавено во: Агробизнис 20 Април, 2017

Температурите, посебно утринските во наредните денови ќе се спуштат и до -4 степени, и тие може да бидат катастрофални за овошјето и виновата лоза, предупредуваат агрометеоролозите.

Посебно е критична сабота, кога се очекува да дојде до разведрување на територија на цела Македонија што, според нив, ќе значи и постудено време. Затоа препорачуваат преземање соодветни и навремени мерки за заштита.

„Промената на времето и студениот воздушен бран кој се очекува да ја зафати нашата територија од северо-исток во текот на утрешниот ден ќе придонесе за драстичен пад на температурите на воздухот, особено на утринските од петок до понеделник, кога на одделни места се очекуваат да бидат и негативни, особено во северо-источните, источните и северо-западните делови. Вакви температури, до минус четири степени, во овој период од развојот на земјоделските култури можат да имаат катастрофални последици врз културите и врз приносите“ - вели Ангелко Ангелески од УХМР.

И -0,5 степени може да предизвикаат штети кај овошките кои веќе имаат  формирано плод или кај овошките и виновата лоза кои во овој момент се во ниски фази на развој, почеток на вегетација и појава на првите листови и цветови.

„Мерките за заштита се веќе познати: третирање со препарати против мрзнење кои може да се користат и во денови кога има само неколку часа сончеви периоди, а се со продолжено дејство, класични методи на зачадување со палење растителни одпадоци или оросување со вештачки дожд доколку има инсталиран систем за наводнување додека температурите се негативни, околу два часа пред изгревање на сонцето и два часа потоа, додека не се постигнат позитивни температури“ - вели Ангелески.

За есенските посеви промената на времето не е критична, проблем може да има уште во градинарството, на отворено, или ако просторот не е добро заштитен кај покриените култури.

Можеби ќе ве интересира

Николовски потпиша свечена изјава за поддршка на Европската декларација за развој на производството на соја без ГМО

Николовски потпиша свечена изјава за поддршка на Европската декларација за развој на производството на соја без ГМО

Расте откупната цена на тутунот, се интензивираат инвестициите во тутунската индустрија

Расте откупната цена на тутунот, се интензивираат инвестициите во тутунската индустрија

Дали земјоделците должници ќе можат до државни субвенции?

Дали земјоделците должници ќе можат до државни субвенции?