Теодоракис прифаќа Горна Македонија со промена на учебниците
Објавено во: Балкан 12 Февруари, 2018
Грчкиот политичар и лидер на РЕКА Ставрос Теодоракис смета дека со тоа што тој го прифаќа терминот Горна Македонија значи конструктивност во процесот на преговори кој Грција го има во спорот за нашето уставно име. Теодоракис смета дека ако овој термин како дел од новото решение не се преведе на друг јазик е прифатливо, но треба да му се ставел и крај на македонскиот иредентизам.
- Ние се осмелуваме и ја преземаме одговорноста и велиме дека го прифаќаме терминот Горна Македонија, непреведено како што им беше предложено на нашите соседи. Бараме да ги променат нивните учебници, бараме да се ослободат од иредентизми, но им велиме, кога сето ова ќе се направи, ќе си подадеме раце и ќе се договориме, затоа што како што рече Ками, а тоа важи и за нив и за нас: „Премногу ја сакам мојата татковина за да бидам националист“, рече Теодоракис.
Во однос на протестите за „одбрана на Македонија“, лидерот на Река, истакна дека тие немаат никакви заеднички точки со говорниците и слоганите од собирите, со оние кои бранат „една исплашена Грција, Грција што секаде гледа заговори“.
- Грција нема да доминира на Балканот затоа што ќе става вето. Ќе доминира, ако доминира, како примарна сила во економијата и културата, рече Ставрос Теодоракис, пренесува МИА