Терористичката организација „Огнени јадра“ подготвува напад на Обама во Атина?
Објавено во: Балкан 12 Ноември, 2016
Полицијата во Грција презема соодветни мерки поради можен напад врз американскиот претседател, Барак Обама кој во вторник и среда ќе ја посети Атина.
Зголемената претпазливост на грчките власти доаѓа по заканата од терористичка организација „Огнени јадра“ за напад за време на посетата на Обама. Тие се заканија дека ќе ја расипат забавата на политичарите.
„Забавата на властите ќе ја трансформира Атина во град под воена опсада, со илјадници полицајци на улиците кои ќе ја наметнат моќта на естаблишментот. Ние анархистите, како единствен внатрешен непријател на власта, можеме да станеме катализатор на судирите и да им ја расипеме прославата. Меѓутоа организацијата на напади и судири за време на посетата на американскиот претседател не сакаме да се ограничи на само привремено ослободување. Саботажата на посетата на американскиот претседател може да биде почеток на формирањето организирано анархистичко движење со цел напади и уништување на државата и моќта“- стои во соопштението на „Огнени јадра“.
Претходно имаше напад на француската амбасада во Атина, при што еден полицаец беше повреден. Организацијата пред само неколку недели постави бомба пред зградата на една грчка јавна обвинителка.