Терористот од Манчестер јавно ги одобрувал бомбашите самоубијци?
Објавено во: Свет 27 Мај, 2017
Терористот од Манчестер, Салман Абеди за околината бил познат како проблематично момче.
Тој го обвинил својот професор за исламофобија.
Додека бил на Академијата за момчиња Бурнејџ, Абеди бил дел од групата што поднела приговор за наставникот поради исламофобија.
Тајмс пишува дека тоа го направиле, затоа што наставникот ги прашал што мислат за оној што ќе стави бомба на себе и ќе разнесе луѓе.
Се појави и информација дека пред пет години кога Абеди имал 17-години, две лица ја повикале полициската антитерористичка линија, затоа што им рекол дека е во ред да се биде бомбаш-самоубиец.
Се претпоставува дека уште неколку лица во 2015 година го пријавиле Абеди поради екстремистичките ставови.
На Абеди му бил забранет влезот во џамијата во Дидсбури, затоа што бил пријавен дека го критикува имамот кој во проповедите го осудил функционирањето на „Исламската држава“.