22 Јануари, 2018
0.5208
    ALK 7698.52    0.63%     AUMK 1700    0.06%     GRNT 830    0.73%     KMB 3135.87    -0.52%     MPT 28907    -3%     MTUR 4158    -2.16%     OKTA 3200    2.86%     RMDEN16 94.5    0.11%     RZUS 124    9.73%     STB 970    1.04%     STIL 154    1.61%     TEH 140    -6.67%     TEL 283    1.07%     TETE 2060    3%     TKVS 3106    -3%     TPLF 1798.38    -0.03%     TTK 950    -0.12%     ZPKO 2700    -0.37%

ТЕШКИ ДЕНОВИ ЗА БИЗНИСОТ: Инвестиции нема, едвај се преживува !

Објавено во: Економија 19 Април, 2017

Финансиските проблеми заедно со неизвесното економско опкружување се водечки фактори кои негативно влијаат на бизнисот. Сега, кога се ситни првото економско полугодие – во знак на политичка криза, оценките на бизнисмените за економската состојба на фирмите се влошени. Така, во март во споредба со април, оценката е понеповолна, додека генерално индикаторот на доверба се подобрил за 0,3% - покажува новото истражување на Заводот за статистика.  

Она што е значјано е кои фактори најмногу го ограничуваат бизнисот, особено сега кога фирмите се соочија со две ипол годишна политичка неизвесност. 

“Најголемо влијание на ограничувањето на обемот на производството имаат следните фактори: недоволната странска побарувачка со 22.5%, недоволната домашна побарувачка со 19.7%, недостигот на квалификувана работна сила со 16.3% и неизвесното економско опкружување со 12.6%“ – се наведува во истражувањето на статистичарите. 

Фирмите се соочуваат со финансиски проблеми

Анализата покажува дека лани во март неизвесносто економско опкружвање како ограничувачки  фактор учетвувало со 7,9 % во март годинава со 12,6%. Влошен е и уделот на финансиските проблеми во во третиот месец од 2016 година учествувале со 8 отсто а годинава со 8,9 отсто. Дека фимите се соочуваат со ликвидносни проблеми и апстинираат од инвестиции покажаа и податоците од банкарскиот сектор.  

“Намалувањето на бруто инвестициите се потврдува и со намалениот раст на кредитите кон приватниот сектор. За прв пат по пет години, кредитирањето кон фирми се намалува . Од 7.1% кредитен раст во 2015 година, кредитирањето забележа паод 4% во 2016 година. Ова е индикатор дека склоноста на приватниот сектор да користи кредити за финансирање на инвестициските потфати се намалува,што е директна рефлексија на пролонгиранат а политичка криза која создава голема несигурност во приватниот сектор“ – оценија од Институтот за економски истражувања и политики “Financethink“. 

Оваа состојба ја потврдуваат и дел од банкарите за “Фактор“. 

“Во изминатиот период речиси нема побарувачка на инвестициски кредити од страна на фирмите. Компаниите бараат кредити – но за тековно работење, што е показател дека корпоративниот сектор на некој начин се воздржува од инвестициски проекти. Малку се чувствува притисок за намалување на каматите  за кредитите на фирмите, но засега нема услови за тоа“ – коментираат за “Фактор“ од една од водечките банкарски групации во земјава. 

Растот со лазаечко темпо - кој ќе ја движи економијата..

Освен финансиските проблеми и неизвесното економско опкружување, како фактори кои дополнително го ограничуваат бизнисот се и недоволната домашна и странска побарувачка. Влошување на оценките има кај странската побарувачка, но и кај конкурентниот увоз. 

Искористеноста на капацитетите на деловните субјекти изнесува 65,3%. Дел од стопанствениците оценија дека без скорешно решение на политичката криза, состојбата ќе се влошува, што веќе се одрази и врз проекциите за економски раст. 

“Прв индикатор претставува забавувањето на Бруто - домашниот производ од 3.9% во 2015 на 2.4% во 2016. Второ, бруто инвестициите забележуваат значителен пад. Трето, растот на кредитирањето стана негативен во последните четири тримесечја. Четврто, волуменот на индустриското производство во 2016 година се намали за 1.5% споредено со претходната година . Моментално, единствен придвижувач на економијата останува да биде градежништвото, главно индуцирано од градежните активности на државата, со забележан годишен раст од 18.5% во 2016 година“ – наведуваат од “Financethink“. 

Според дел од економистите, со оглед на политичката криза,  овие показатели се очекувани.  

“Очигледно е дека незвесноста веќе се прелеа и во оваа 2017 година. Владата проектираше раст што ќе се движи околу 3 отсто, но овие стапки не значат многу за нашата економија. Значајно е како да се обезедат одржливи стпаки на раст кои нема да се потпираат само на еден сектор. Ако зборуваме за моделот на странски инвестции, кој беше промовиран како носечки за економијата, тогаш клучно прашање е колку тие странски инвестиции создаваат нова вредност и какво е нивното влијание во реалната економија“ – изјави неодамна академи Абдулменаф Беџети. 

Според новите показатели, лани во апсолутна бројка, БДП спорде расходен метод по тековни цени изнесувал 9,8 милијарди евра или 4 768 евра по глава на жител што ја вбројува македонската економија во групата на сиромашни земји. 

Д.Д.

Можеби ќе ве интересира

Со каква прогноза излезе ММФ за глобалниот економски раст?

Со каква прогноза излезе ММФ за глобалниот економски раст?

ПОЛНЕТЕ РЕЗЕРВОАРИТЕ: Нов скок на цената на нафтените деривати

ПОЛНЕТЕ РЕЗЕРВОАРИТЕ: Нов скок на цената на нафтените деривати

Стартува Светскиот економски форум, следете во живо со специјална алатка

Стартува Светскиот економски форум, следете во живо со специјална алатка

Италијанци со супер-компјутер ќе откриваат нафта

Италијанци со супер-компјутер ќе откриваат нафта

Виза не го признава Биткоинот

Виза не го признава Биткоинот

ДОСИЕ СУБВЕНЦИИ: Жирито одобрило над 30.000 евра за Цеки и „Силви бенд“

ДОСИЕ СУБВЕНЦИИ: Жирито одобрило над 30.000 евра за Цеки и „Силви бенд“

Ќе се зголемат црните трансфери на пари ако се оданочи брзиот трансфер

Ќе се зголемат црните трансфери на пари ако се оданочи брзиот трансфер

Каков преседан направи РКЕ од кој може да учат Собранието, Владата и министерствата?

Каков преседан направи РКЕ од кој може да учат Собранието, Владата и министерствата?

ГЕРМАНЦИТЕ БОГАТИ КАКО НИКОГАШ ДОСЕГА: Имаат толку многу пари што не ги интересира да штедат и вложуваат

ГЕРМАНЦИТЕ БОГАТИ КАКО НИКОГАШ ДОСЕГА: Имаат толку многу пари што не ги интересира да штедат и вложуваат