ТЕВДОВСКИ ГО ОБРАЗЛОЖУВА РЕБАЛАНСОТ НА БУЏЕТОТ: Повеќе пари за поддршка на граѓаните наместо за службени патувања и рекламирање
Објавено во: Финансии 17 Јули, 2017
Драстично кратење на кампањите, патувањата, рекламирањето а повеќе пари на сметка на граѓаните и фирми како што се минималната плата, решение за стечајците, поддршка за малите и средните претпријатија и земјоделците, укинување на радиодифузната такса и слично.
Ова го истакна денеска министерот Тевдовски образложувајќи го предлогот за ребаланс на буџетот.
До крајот неделата Министерството за финансии ќе излезе точни бројки колку изнесуваат доспеаните, а неплатени обврски од претходната власт бидејќи, како што посочи министерот моментално се договара проект со Светска банка за „чистење“ на ваквите обврски.
Тевдовски посочи дека старата власт оставила долг од 2,4 милијарди денари во областа на културата.
„Прво ограничување се преземените, а неплатени обврски од минатото. На пример, во Министерството за внатрешни работи тие изнесуваат 424 милиони денари, а во финансирањето на дејностите од областа на културата, дури 2,4 милијарди денари. Второ ограничување се веќе склучените договори за тековни или идни проекти, кои ако се раскинат државата ќе треба да плаќа пенали. Затоа, единствена здрава опција за ребалансот беше намалување на непродуктивните трошења кои се во рацете на носителите на власта, како што се службени патувања, репрезентации, економски промоции и рекламирање“, рече министерот.