ТИЕ СЕ ЗАДОВОЛНИ: Платите им скокнаа над 800 евра
Објавено во: Економија, Балкан 21 Јули, 2017
Се зголемуваат платите во Хрватска.
Просечната месечна нето плата исплатена во Хрватска за мај 2017 година изнесувала 6.025 куни или 813 евра, што е на месечно ниво повеќе за 1,8% номинално, а на годишно ниво е повеќе за 5,9%.
Просечната месечна нето плата исплатена во мај во однос на април е повисока за 15 евра, а во однос на истиот месец минатата година е поголема за 45,7 евра, пренесува Пословни дневник.
Ваква состојба покажуваат првичните податоци кои денеска ги објавил Државниот завод за статистика.
Ова е втор пат оваа година просечната заработка без данок и придонеси да го пробие нивото од 6.000 куни, се додава во текстот каде се потсетува дека во март изнесувала 6.022 куни. Просечната месечна бруто плата за мај 2017 година во Хрватска изнесувала 8.104 куни (1.082 евра).
Просечната нето плата во Хрватска во првото тримесечје од оваа година изнесува 5.408 куни или околу 725 евра.
Тоа беше за 1% помалку во однос на претходното тримесечје, а за 2% повеќе отколку во истиот период 2016 година.
Во регионот Словенците и Хрватите имаат највисоки плати.