Тилерсон со осуда за Северна Кореја која изврши ракетен тест
Објавено во: Свет 21 Мај, 2017
Американскиот државен секретар, Рекс Тилерсон го осуди денешниот севернокорејски ракетен тест.
Тој рече дека е „разочаран и вознемирен“ од фактот што Северна Кореја се почесто врши тестирања на балистички ракети.
„Продолжувањето на овие тестирање се вознемирувачки и ќе се обидеме тие да бидат запрени“- вели Тилерсон за телевизијата Фокс.
На Северна Кореја и порача дека тоа не е фактор кој води кон безбедност.
Тој најави дека Вашингтон подготвува кампања за економски и дипломатски притисок врз Пјонгјанг, со цел земјата да се откаже од тестирањето на ракети и од развојот на нуклеарна програма.
Северна Кореја денеска изврши ново тестирање на балистичка ракета со среден дострел. Тоа е 11 севернокорејски ракетен тест од почетокот на 2017 година. Минатата година во земјата властите извршија дестина ракетни тестови и две нуклеарни проби.