ТОА НЕ Е ЛЕ ПЕН: Еве кој е најголемиот непријател на Макрон

Добивај вести на Viber

Емануел Макрон, центристичкиот кандидат, има предност во однос на ултрадесничарката Марин Ле Пен, пред вториот круг од изборите во Франција.

Ова го покажуваат најновите анкети. 

Меѓутоа, тој на патот кон победата има многу пречки. Неговите приврзаници и помошници сметаат дека тој мора да се отрезни, затоа што инаку самиот на себе си е најголем непријател, пишува Politico. 

Иако победил во првиот круг пред Ле Пен, тој веќе на изборната вечер направил голема грешка. 

Макрон организирал голема прослава во ресторан и ја пеел химната од кровот на својот штаб, како веќе да станал претседател. 

Многумина коментираат дека славењето наликувало на прославата на победата на Никола Саркози. 

„Целата вечер изгледаше како да победил, што претставува лоша порака. Првата причина е тоа што не победивме, а втората е тоа што не треба да се радуваш на вечер во која Ле Пен влегува во втор круг" - вели еден од неговите советници. 

За да победи Макрон, ќе мора да убеди дел од гласачите кои во првиот круг гласале за левичарот Жан Лик Меленшон, конзервативецот Франсоа Фијон или социјалистот Беноа Амон. 

Анкетите покажуваат дека тој би можел да оствари убедлива победа, но тоа ѕасега не значи ништо. 

Уште една можна препрека на неговиот пат се руските хакерски напади. Компанијата за сајбер-безбедност „Тренд Микро", потврдила дека мејловите на кампањата на Маркон биле мета на бројни напади од руски хакерски групи. 

Доколку хакерите откријат некои скандали поврзани со Макрон, тоа ќе биде голем проблем.