Тони Цетински и Владо Георгиев на целовечерен заеднички концерт во Скопје поддржан од „Пелистерка“
Објавено во: Мои пари 15 Февруари, 2017
Хрватската музичка ѕвезда Тони Цетински и црногорскиот шармер Владо Георгиев за првпат во кариерата ќе ги здружат силите и талентот на заеднички концерт што ќе се одржи во сабота во Скопје подгенерално покровителство на компанијата „Пелистерка“.
Носени од меурчињата на љубовта на газираната вода „Пелистерка“, едни од најголемите балкански музички ѕвезди ќе ѝ овозможат на македонската публика повеќе од 4 часа да ја слави љубовта со нивните многубројни хитови. Бидејќи се одржува само неколку дена по празникот Св.Валентин, концертот ќе биде посветен на сите заљубени, на сите што очекуваат да им се случи љубов, како и на сите оние што едноставно сакаат да уживаат во квалитетна музика која се слуша низ целиот Балкан.
- Месецот кога се слават љубовта и виното, ние го посветуваме на убавата музика. Во Скопје заедно доаѓаат двете најголеми регионални музички ѕвезди во моментов и горди сме што имаме можност да поддржиме ваков настан, со две звучни имиња кои никогаш не настапиле заедно. Несомнено сите присутни ќе уживаат во уникатната можност да ги слушаат во живо талентираните музичари кои се омилени на Балканот – велат од менаџерскиот тим на „Пелистерка“.
И Цетински и Георгиев досега одржувале концерти во Македонија, но ова е првпат да настапат заедно. Македонската публика ќе ја израдуваат со микс од најубавите љубовни песни, но присутните ќе може да се потсетат и на другите нивни хитови кои се многу популарни на просторот на поранешна Југославија.
Концертот ќе се одржи воарената „Борис Трајковски“, а влезниците за уникатното музичко доживување може да се набават преку продажните места на „Купи карти за се“. Организатор на концерот е „Прагма“.