Топ банките по Брегзит „бегаат“ од Велика Британија
Објавено во: Финансии 23 Октомври, 2016
Финансискиот сектор во Велика Британија е загрижен дека голем број на врвни инвестициски банки и моќни корпорации би ја напуштиле државата откако ќе се комплетира процедурата за излез од Европската унија.
Станува збор за финансиски институции кои во голема мера се прилагодени на европската бирократија и регулатива, па наглите законски промени може да им донесат несигурност во работењето, паника кај населението и фирмите и промени во даночните политики што негативно би се одразило на профитите.
Грижите ги изрази и Ентони Браун, претседателот на Здружението на банкари на Велика Британија. Според него најголема неизвесност ќе има околу слободата на движење и вршењето на услуги. Британскиот министер за финансии Филип Хамонд на повеќе наврати упати јасни апели дека Владата ќе стори се што е во нејзина моќ за да не го оштети банкарскиот и воопшто финансискиот сектор.