Највлијателните луѓе на финансиските пазари
ТОП ЛИСТА: Кои „фаци“ ги тресеа финансиските пазари во 2016!
Објавено во: Финансии 23 Септември, 2016
Новиот британски премиер Тереза Меј ја предводи листата на Bloomberg за највлијателните личности за глобалните финансиски пазари, соопштија од истоимената агенција.
Рангирањето се прави од 2011 година врз основа на анкета на дописници и уредниците на Bloomberg. Во него се вклучени лица, кои можат да влијаат на движењето на пазарите кои даваат идеи и презентираат политики.
Лидерството на Меј не е изненадувачко, со оглед на фактот дека во нејзини раце е судбината на Британија и подготовките за претстојниот Брегзит кој е најактуелна економска тема во последните месеци.
На второ место е кандидатot за претседател на Републиканската партија на САД Доналд Трамп, следен од соперничката од демократите Хилари Клинтон.
На четврто место е кинескиот претседател Си Цзинпин, а на петто место шефот на „Amazon“ Џеф Безос.
Ангела Меркел е на шестото место, а шефот на Европската централна банка Марио Драги е седми.
За прв пат во листата влегува и рускиот претседател Владимир Путин, но тој е на 30 место од вкупно 50 наведени.
Минатата година на чело на листата беше Џенет Јелен, шефицата на американската централна банка (Фед), а зад неа се наредија кинескиот претседател и шефот на технолошкиот гигант „Apple“ Тим Кук.