„Траекторија“ на СЈО е на прав пат

Добивај вести на Viber

Случајот за наводни провизии од кинески фирми за изградба на македонските автопати ќе влезе во судница. 

Предметот „Тракторија“ кој СЈО го оформи врз база на прислушуваните телефонски разговори на  поранешниот премиер Никола Груевски, вицепремиерот Владимир Пешевски, ексминистерот за транспорт и врски Миле Јанакиески и поранешниот директор на Агенцијата за државни патишта, Љупчо Георгиевски за злоупотреба на службената положба и овластувања за лични цели во судница ќе влезе на 6 декември.

Кривичниот суд, претходно на 13 ноември го прифати обвинението на СЈО за случајот, дал и два дополнителни датума за судење, 18 и 26 декември.

Груевски, Пешевски, Јанакиески и Георгиевски се осомничени дека во втората половина на 2012 година и во текот на 2013 година презеле повеќе дејствија со кои во постапката за избор на компанија за изградба на автопатните делници Миладиновци – Штип и Кичево – Охрид ги искористиле и пречекориле своите овластувања. 

Со тоа, според СЈО, нанеле штета на државниот буџет од најмалку 155.117.172 евра и за истиот износ на компанијата изведувач и овозможиле да се стекне со имотна корист.