Трамп е срам за Републиканската партија, се повеќе му го вртат грбот

Добивај вести на Viber

Доналд Трамп се неконтролираното его, несмасните изјави, лошиот имиџ, навредите, детското однесување и тоталното непознавање на политичките прилики ја прави Републиканската партија се понепожелна кај генералното гласачко тело, особено меѓу жените, прогресивните гласачи и малцинствата. 

Токму опасноста вечно да се нанесе штета врз партијата Републиканците веќе и јавно се спротиставуваат на Доналд Трамп сметајќи дека изборите се веќе изгубени, а дека со вакво недолично однесување партијата никогаш нема да добие место во Белата куќа.

Последен од редот на оние кои му откажаа поддршка е бившиот претседателски кандидат Џон Меккејн и бившата државна секретарка Кондолиза Рајс.

Меккејн истакна дека поради коментарите на Трамп веќе не му дава поддршка дури ни условна, додека Рајс рече: „Доста беше веќе. Доналд Трамп не треба да биде претседател и треба да се повлече“.

Републиканскиот сенатор од сојузната држава Њу Хемпшир Кели Ајоти преку соопштение истакна дека не може веќе да ја поддржува кандидатурата на Трамп кој се фали дека понижувал и малтретирал жени.

Таа додава дека сепак нема да гласа ни за неговата ривалка од Демократите Хилари Клинтон, туку на листот ќе го напише името на Мајк Пенс, кандидат за потпретседател.

Трамп, пак, изјави дека нема шанси да се повлече, додавајќи дека добива неверојатна поддршка од гласачите. Поддршката за Трамп доаѓа од радикалните гласачи во САД, тие кои се поотворено ги изразуваат своите расистички ставови против мигрантите, против малцинствата како црнците и хомосексуалците и стануваат се понасилни бидејќи и самиот Трамп води агресивна кампања па на голем број на митинзи имаше масовни тепачки и судири.